Naka-MOVE-ON ka na ba sa kaka-DIET?

Diet.
Move on.
Synonyms: OVERUSED. MAHIRAP SIMULAN.

DIET. Madalas ko tong marinig sa mga tao sa paligid ko. “Ang taba ko na. Kailangan ko ng mag diet. Mag –d-diet na ako.” (Oo, ako na nga ang payat! :D) Pero matapos sabihin, kain din naman ng kain. Kung makalamon, parang wala ng bukas. Nilamon na rin ang mga salitang binitawan. “Bukas na lang ako magddiet.” Kinabukasan. “Bukas na talaga ako magddiet.” Kinabukasan. “Bukas na bukas na talaga ako magddiet.“ Kinabukasan. “Naku, magpapasko na, ibig sabihin madami pagkain, madami na naman makakain. After New Year na lang ako magddiet. At least meron na akong new year’s resolution for next year.” (Jinustify pa. Last year, last last year, ilang years mo na kaya yang New Year’s resolution. Pero at least magaling kang magRECYCLE, Mag RECYCLE ng New Year’s Resolution.) ‘Mamaya na’ habit nga naman.

MOVE ON. Malimit ko naman tong marinig sa mga conversations na love ang topic. Sa radio, sa mga callers na nagseshare ng love problems sa DJ. ”Ano pong aking gagawin? May iba na po syang mahal.” Mga posts sa Facebook. ”Move on! Mag-movemove on na ako. Kailangan ko ng kalimutan sya. Kailangan ko ng tanggapin na wala na sya. Para akong traffic sa EDSA, di makamove-on.”  Pero panay naman ang visit mo sa profile nya sa FB. Tingin ng mga updates nya. Pasalamat ka walang  ”Who viewed my profile” feature ang FB. Kung hindi huli ka. Pero tingin ko naman kahit na may ganung feature ang FB, gagawa ka ng paraan maview mo lang anonymously ang profile nya. Gaya ng ginagawa mo nun sa Friendster. Gagawa ka ng ibang account or search ka ng site sa Google, “How to view private facebook accounts anonymously?”

Bato bato sa langit ang tamaan, kailangan ng mag DIET at mag MOVE ON. :)
Note: ‘Diet’ and ‘Move on’ should be treated as VERBS (action words) not NOUNS or ADJECTIVES.